|
|
|
|
Новости / Новости ФНС / Интернационалист аскерчилеге ахча т╦леу законнга кийирилликди.
Интернационалист аскерчилеге ахча т╦леу законнга кийирилликди.
"Заман" газет, 2010 жылда 28-чи апрельде чыкъгъан 77-чи номери.
28.04.2010
КъМР-ни Парламентинде
Интернационалист аскерчилеге ахча т╦леу законнга кийирилликди
КъМР-ни Парламентини президиумуну республиканы законла чыгъарыучу органыны Председатели Чеченланы Аныуар бардыргъан кезиулю жыйылыуунда депутатла бир къауум законопроекге, РФ-ни башха субъектлеринден коллегаларыны законла чыгъарыу бла байламлы башламчылыкъларына къарагъандыла. Экономика политика, энчи иелик эм да предпринимательство жаны бла комитет президиумну сюзюуюне "Организацияланы ырысхыларына салыннган налогга к╦ре льготала тохташдырыуну эм да КъМР-де инвестиция иш бла кюрешген субъектлени организацияларыны файдаларына салыннган налогну ставкаларын азайтыуну юсюнден" законопроектни бергенди. Комитетни председатели Ирина Марьяш ангылатханнга к╦ре, "КъМР-ни жеринде инвесторлагъа берилген налог льготаланы юслеринден" КъМР-ни Законуну мардалары федеральный законодательствогъа келишмейдиле. Бу проект инвестиция иш бла кюрешген субъектлеге къыралны жанындан себеплик этиуню эки амалын к╦ргюзтеди: организацияланы ырысхыларына салыннган налогга к╦ре льготала тохташдырыргъа эм да организацияланы файдаларына салыннган налогну ставкаларын азайтыргъа.
Экономика политика, энчи иелик эм да предпринимательство жаны бла комитет дагъыда бир законопроектни бергенди сюзюуге: "КъМР-ни республикалы бюджетине борчлары болгъан организацияла сюдге берилгинчи ала бла байламлы этиллик мадарланы юсюнден" КъМР-ни Законуна тюрлениуле кийириуню юсюнден". Мында къырал органланы уполномоченныйлерини Законну болумларын толтурууда полномочиялары шарт тохташдырыладыла, борчлу болгъан организация банкрот болгъаныны юсюнден заявление арбитраж сюдге берилгинчи, санация этерге эркин этген болумла кетериледиле.
Парламентни Урунуу, социальный политика эм саулукъ сакълау комитетини председатели Жанатайланы Салимни башламчылыгъы бла "КъМР-ни къырал саугъаларыны юсюнден" КъМР-ни Законуну 35-чи статьясына тюрлениуле кийириуню юсюнден" законопроект сюзюлгенди. Афганистанда урушха къатышхан интернационалист аскерчиле бу Законну 35-чи статьясына к╦ре СССР-ни Баш Советини Президиумуну Сыйлы грамотасы бла угъай, СССР-ни баш Советини Президиумуну грамотасы бла саугъаланнгандыла. Болса да алагъа, къырал саугъалары болгъан адамлагъача, ахча т╦ленеди. Ма ол келишмеулюкню кетерир эм да интернационалист аскерчилеге т╦леннген ахча закон кюч алыр ючюн хазырланнганды бу законопроект.
Президиумну членлери КъМР-ни Правительствосуну КъМР-ни къырал ырысхысын Бахсан муниципальный районну муниципальный иелигине бериуню юсюнден тилегине да къарагъандыла. Аны бла бирге Ленинград областьны законодательный Жыйылыууну депутатларыны Къырал Думаны депутатларына Уллу Ата журт урушну ветеранларын жашау журтла бла жалчытыуну юсюнден обращенияларын къабыл к╦ргендиле.
Башында сагъынылгъан законопроектле комитетледе эм да тийишли ведомстволада сюзюллюкдюле эм да республиканы Парламентини къараууна берилликдиле.
Жыйылыуда башха вопрослагъа да къаралгъанды.
Бэлла УРУСМАМБЕТОВА, КъМР-ни Парламентини пресс-службасы.
Разместить:
© 2006-2026 Российский налоговый портал.